كيفية الالتحاق بضابطات الشرطة النسائية المصرية

معلومات مهمة حول التقديم لمنصب ضابطة فى الشرطة النسائية


بيكون لخريجين الجامعات اللى هما خلصوا ثانوية عامة ودخلوا كليات
بعد ما خلصوا الثانوية العامة كليات عادية زى تربية واداب وحقوق بيكون فى حاجه اسمها تقديم ضباط متخصصين بيكون شرطة وحربية

اعلان المتخصصين بيكون

اعلان شهر ٨ واعلان شهر ٢ بيكونوا شرطه
اعلان شهر ٣ واعلان شهر ١٢ بيكونوا حربية

بيطلبوا دايما طب وهندسة
يعنى انت كحديث التخرج
ليك 4 فرص للتقديم على مدار سنيتن
سنة التخرج والسنة اللى بعدها

بيكون بشروط معينة

مثال : أن لا يزيد سن المتقدم وقت الالتحاق بالنسبة للأطباء الحاصلين على البكالوريوس عن ثلاثين عام
والحاصلين على الماجستير عن اربعة وثلاثين عام والحاصلين على الدكتوراه عن ثمانية وثلاثين عام
والأطباء البيطرين الحاصلين على البكالوريوس عن ثمانية وعشرون عام وعدة شروط مثل هذه
وتكون مترتبة على التقدير والعمر والطول والوزن وما شابه ذلك من الشروط لكى تستطيعى التقديم
ويتم المفاضلة بين المتقدمين على أساس الدرجة العلمية أولاً ثم درجات النجاح في باقى إختبارات القبول

بالأدق عشان تبقوا فاهمين الموضوع بيمشى ازاى
هوا عبارة عن احتياجات الكلية وهما السنة دى محتاجين ايه
يعنى محدش يقول تخصصى مش بيطلب ومش بينزل فى الاعلان
لان كل اعلان التخصصات بتختلف عن السنه الى قبلها والى بعدها

مثلا على الى بيحصل
ان هما دلوقتى محتاجين لغات هيطلبوا لغات
كدا خلاص بقى عندهم لغات والعدد استكفى خلاص
وهما دلوقتى محتاجين تربية رياضية يبقى هيطلبوا تربية رياضية
يعنى مش دايما وكل سنه بيكون التخصص واحد

طيب دلوقتى انا كليتى او تخصصى مش مطلوب فى الاعلان دا
يبقى ساعتها الناس اللى كليتها او تخصصها متطلبش وهما حديثى التخرج
يستنوا الاعلانات الجاية زى ما قولنا بيكون فيه 4 اعلانات وهما كدا هيكون باقيلهم 3 لحد ما الاعلان بتاعك يتطلب

طيب انا كليتى متطلبتش فى الاربع اعلانات هعمل ايه
عادى جدا يبقى مفيش نصيب ولو متمسكه جدا ممك تروحى تعملى دراسات عليا
لو المجال بتاعك او كليتك اللى انتى فيها كانت بتطلب فى الاعلانات دراسات عليا زى بعض اقسام الطب
الدراسات العيا هي عبارة عن شهادات اعلى من شهادة تخرج الكلية العادية وبتكون دبلومه وماجيستير ودكتوراه
وبعد ما بتاخدى الشهادة بترجعى تستنى الاعلانات تانى وتشوفى الدرجة العلمية بتاعتك مطلوبة ولا لاء فى الاعلان

يعنى لما تخلصى دراسات عليا
مثلا بقى معاكى شهادة تانية الى هيا الماجستير
بعد ما بتخلصى بتستنى الاعلانات الاربعة لو اتطلبتى بتقدمى

متطلبتيش لو تخصصك بيطلب دكتوراه ممكن تكملى دراسات عليا وتاخدى درجة الدكتوراه
وتستنى الاعلانات الاربعة تانى والكلام دا لكل خرجين الكليات اللى دخلوا كليات من بعد الثانوية العامة
واذا محصلش نصيب وتخصصك متطلبش فأنتى برده مخسرتيش وأصبحتى حاصلة على درجات علمية عالية
google-playkhamsatmostaqltradent