معلومات مهمة حول التقديم لمنصب ضابطة شرطة نسائية
يكون هناك تقديمات لخريجين الجامعات الذي التحقو بالكليات المدنيه بعد الثانويه العامه
مثل كلية الآداب و تربية وألسن و اوقات حقوق بيكون فى تقديمات تعرف بأسم تقديم ضباط متخصصين بيكون شرطة وحربية
اعلان المتخصصين بيكون
اعلان شهر ٨ واعلان شهر ٢ بيكونوا شرطه
اعلان شهر ٣ واعلان شهر ١٢ بيكونوا حربية
الكليات الأكثر طلبا
طب وهندسة وألسن واداب علم نفس واجتماع
وانت كحديث تخرج بيكون ليك حوالي فرصتين للتقديم
بيكون علي مدار سنة التخرج والسنه اللي بعدها لو تخصصك اطلب كل اعلان وبيكون بشروط معينة
بيكون علي مدار سنة التخرج والسنه اللي بعدها لو تخصصك اطلب كل اعلان وبيكون بشروط معينة
مثال علي هذه الشروط
أن لا يزيد سن المتقدم وقت الالتحاق بالنسبة للأطباء الحاصلين على البكالوريوس عن ثلاثين عاموالحاصلين على الماجستير عن اربعة وثلاثين عام والحاصلين على الدكتوراه عن ثمانية وثلاثين عام
والأطباء البيطرين الحاصلين على البكالوريوس عن ثمانية وعشرون عام وعدة شروط مثل هذه
وتكون مترتبة على التقدير والعمر والطول والوزن وما شابه ذلك من الشروط لكى تستطيعى التقديم
ويتم المفاضلة بين المتقدمين على أساس الدرجة العلمية أولاً ثم درجات النجاح في باقى إختبارات القبول
توضيح عن فكرة تقديم متخصصين
بالأدق عشان تبقوا فاهمين الموضوع بيمشى ازاى
هوا عبارة عن احتياجات الكلية وهما السنة دى محتاجين ايه
يعنى محدش يقول تخصصى مش بيطلب ومش بينزل فى الاعلان
لان كل اعلان التخصصات بتختلف عن السنه الى قبلها والى بعدها
مثال على الى بيحصل
ان هما دلوقتى محتاجين لغات هيطلبوا لغات
كدا خلاص بقى عندهم لغات والعدد استكفى خلاص
وهما دلوقتى محتاجين تربية رياضية يبقى هيطلبوا تربية رياضية
يعنى مش دايما كل سنه بيكون التخصص واحد بيكون بيتغير علي حسب احتياجهم
طيب دلوقتى انا كليتى او تخصصى مش مطلوب فى الاعلان دا
يبقى ساعتها الناس اللى كليتها او تخصصها متطلبش وهما حديثى التخرج
يستنوا الاعلانات الجاية زى ما قولنا بيكون علي مدار سنتين وهما كدا هيكون لحد ما الاعلان ينزل تاني
طيب انا كليتى متطلبتش فى الاعلانات اعمل ايه
عادى جدا يبقى مفيش نصيب ولو متمسكه جدا ممكن تروحي تعملي دراسات عليا
لو المجال بتاعك او كليتك اللى انتى فيها كانت بتطلب فى الاعلانات دراسات عليا زى بعض اقسام الطب
الدراسات العيا هي عبارة عن شهادات اعلى من شهادة تخرج الكلية العادية وبتكون دبلومه وماجيستير ودكتوراه
وبعد ما بتاخدى الشهادة بترجعى تستنى الاعلانات تانى وتشوفى الدرجة العلمية بتاعتك مطلوبة ولا لاء فى الاعلان
يعنى لما تخلصى دراسات عليا
مثلا بقى معاكى شهادة تانية الى هيا الماجستير
بعد ما بتخلصى بتستنى الاعلانات لو تخصصك اتطلب وبتقدمى
متطلبتيش لو تخصصك بيطلب دكتوراه ممكن تكملى دراسات عليا وتاخدى درجة الدكتوراه
وتستنى الاعلانات تانى والكلام دا لكل خرجين الكليات اللى دخلوا كليات من بعد الثانوية العامة
واذا محصلش نصيب وتخصصك متطلبش فأنتى برده مخسرتيش وأصبحتى حاصلة على درجات علمية عالية