طريقة عمل كاسترد الافراح

Selim Guide
الصفحة الرئيسية

كيفية عمل جيلي الافراح

الموضوع دا هيكون طبخ وحلويات هتعرفو فيه
طريقة عمل جيلي الفراولة او الموز كما في الافراح كما يطلق عليه
ولكن في الواقع هو كاستر وليس جيلي ولكن الأسم الشائع له جيلي الفرح
وإليكم طريقة عمل الكاسترد او الجيلي مثل اطباق الجيلي الموجوده في الافراح

الخطوه الأولي

هتجيبي علبة كاسترد تاج الملوك مش هتجيبي جيلي
هتلاقي علبة الكاستر غالبا في السوبر ماركت بسعر 9 جنيه
وبعدين هتجيبي معيار ليكي وتحددي ٤ لتر مياه وتغليها على النار

الخطوه التانيه

اول ما المياه تغلي تبدأي تحطي عليها كيلو سكر
بعد كدا تقلبي المياه مع السكر كويس جدا لحد ما السكر يدوب
وفيه حاجه بتتباع عند العطار او السوبر ماركت اسمها ريحة فراوله
بتكون علبه  شبه علبه القطره او زيها هتلاقي سعرها غالبا حوالي ٥ جنيه
او ممكن تستخدمي اي ريحه علي زوقك مثلا زي الموز بس الافضل ليها الفراوله

الخطوه الثالثه

هتقلبي كويس وهتجيبي علبه الكاستر
وتفضيها علي كوبايتين مياه بارده لحد ما تفك
وبعدين هتجيبي نص لتر مياه وتفضي عليه برطمان الكاستر
والمرحله دي التقليب فيها مهم جدا لأن لازم يدوبو مع بعض

الخطوه الرابعه

اول ما يدوبو هتيجى حطاهم تدريجيا مع المياه الي بتغلي
وتقلبي كلو مع بعض وتهدى النار عليهم وتقريبا حوالي دقيقتين
هتحسي انو بدأ يتقل وقتها تطفى النار وتحضري اطباق التحضير
وبعد ما تجيبي الاطباق هاتي مغرفه غويطه عشان تصبيه
وهتلاقي لونه الطبيعى اصفر لاكن ممكن تلونيه لو انتي حابه
هتلونيه بأي لون من الألوان الطبيعية وهتجبيها من عند العطار
واللون دا مش هيفرق في الطعم لاكن هيكون فارق في شكل الكاستر

الخطوه الاخيره

بعد ما صبتيه في الطبق ويهدا شوية هتحطي علي وش الكاسترد
شوية جوز هند و زبيب وسوداني او اي مكسرات تحبيها عليه
وهيكون طبعا علي حسب الرغبه والشئ الموجود عندك ومتاح ليكي
وبعد كدا تحطيه فيه التلاجه او في مكان رطب لحد ما يبقي متماسك
والف هنا وشفا ليكم ودي كانت الطريقة والخطوات

google-playkhamsatmostaqltradent