قصيدة شعرية تحت عنوان أزمة هتعدى بقلم أحمد سليم
هذه القصيدة من كتابة وتأليف كابتن احمد سليم
وتتضمن القصيدة التشجيع علي الصبر وعلي العبور من الأزمات
وتتضمن القصيدة التشجيع علي الصبر وعلي العبور من الأزمات
القصيدة
ايه الفرق بيني وبينك : دا نفس اللون ونفس الدم
دا ربنا هيعيني ويعينك : بس انت ولا تحمل هم
دا هيا فترة ومسيرها تعدي : والكل وقت الشده بيبان
وشعب مصر قدها وتحدي : وكلنا وقت الازمة جدعان
دا ربنا بفضله حمينا : ومصر مذكورة في القرآن
وبعد فترة هنقول عدينا : وشوفنا الخير من الرحمان
والحمد لله مصر دولتنا : فيها أبطال كتير بيحموها
وأولهم الريس اللي وحدنا : ومكملين عشان الخير ويبنوها
ضباط و دكاترة ومهندسين : وعلماء كبار ومدرسين
والرياضة والمدربين والاعلام و الفنانين : والعمال و الفلاحين والصنايعية والبنايين
وكل ايد بتحافظ عليها : وبتشقي وتبني وتعمر فيها
دي مصر بلدنا المحروسه : فيها سينا وجبل الطور
وناجي ربه سيدنا موسى : ومن زمان بتحدد السطور
دي مصر ام الدنيا المخلصة : لكل ولادها وناسها وشعبها
وطول عمرها للعالم مدرسه : ومفيش زي جدعنتها وطيبة قلبها
حط ايدك في ايديا : وفترة وهنعدي كل الصعب
دي مصر بلدنا في عنيا : خيرها وأرضها ونيلها والشعب
ومسيرنا بكره نتجمع ونتلاقى : ونخرج من الضلمة للنور
وناسنا لحياتنا الطبيعية مشتاقة : وبأذنه هيحصل خليك صبور
ومصر بلدنا احنا وراها : وعندها 100 مليون اصيل
كلنا بدمنا وروحنا معاها : وهنعدي وعارفين الحمل تقيل
تنويه هام
هذه القصيدة محميةبموجب حقوق النشر والملكية الفكرية
اذا اردت دعم القصيدة عليك بالمشاركة
وعدم النسخ لعدم تعرضك للمسآلة القانونية